其實每次煮一餐，都習慣做很多準備功夫,例如設計菜單,中式或西式,顏色配搭,種類，煮法都要盡量多樣，不要重覆。
然後就要列低要準備的所有材料,之後就慣性寫低每樣既食譜先。因為要返工既關係,我就會諗邊D可以提早買左放係屋企先,每日逐D逐D買唔駛咁重,邊D就一定要當日新鮮去街市買等。可以分擔下重量.
之後就係諗煮野既準備功夫，如果你同時要煮十幾樣餸時，時間分配好重要,因為唔係煮到第12樣時,前面果D都涼左.
所以，邊D可以事先煮定,之後差唔多時翻熱,或者邊D預備功夫可以做定,例如烚左D菜類,用黎炒鮮尤，或者湯類可以煲左先. 所以煮野食既排序及事先準備好重要.亦都可以幫你慳返唔少時間。
而西式既擺盤又要多一個功夫...咩食物搭咩配菜加汁，點樣擺，色彩先靚，好似一副畫咁。係邊到邊到睇個靚既菜式及襯托法時,又想試下。
我岩岩就係度諗,不如將肉桂蘋果片變左芒果片配鵝肝，觀感上會唔會刺激D?而鹽燒帶子不如加埋魚子醬做TOPPING,口感會加多層次..
個蕃茄肉醬意粉，個免治豬肉今次都自己朵會黎得好味D,果兩隻珍寶大蝦應該用香草黑椒煎香定係用自己整既蕃茄醬加牛油白酒落去煎香會加好味?
哈哈..... 成個腦都係果餐飯既準備同心思~勁多圖像係個腦度不斷轉~所以話...煮一餐真係唔易....呢D心機同時間...俾幾多錢都未必得,而最後好多時都話出去食一餐都無咁貴..~
Search